الفيزياء وما أدراكم ما الفيزياء
السلام عليكم ورحمة الله وبركاته..
مسائكم\صباحكم كولوم وذرة وشحنة ..!
من زمان عنكم صح..!
يلله إن شاء الله آخر مرة,,
.
.
الفيزياء عقدتي من سنة أولى ثانوي
من تقول الأستاذة سلام عليكم
وأنا أنام,,وأغرق فأحلام لآ نهاية لهـا..!
رغم أن صوت الأستاذة عالي..وماشاء الله تتحرك يمين يسار قدام ورى
بس مافيه تفاهم..العالم نايمة يعني نايمة..!
ترى مو بس أنا اللى أنام بالفيزياء المشكلة كل بنات الفصل نايمين..
ناقصنا بطانيات عشان نعيش جـو
أمس تقولي وحـدة من صديقاتي اللى متعقدة أكثر مني..
أنا بس صحيت من النوم عشان أشوف أشكال البنات وهم نايمين…
>>>شوفوا الفياقة مو عشان الدرس عشان أشكال البنات..
تقول اللى عيون نص مسكره واللى مسكره أساساً واللى حاطة راسها ع الطاولة..
تخيلوا اليوم يمكن تثاوبت فحصة الفيزياء 7 مرات..!يمكن أكثر بعد..
أصلاً ماسكة فمي عشان ما أتثاوب أكثر..
والأستاذة كل شوي تطالع فيني وأنا أحاول أمسك بذا الفم بس مو راضي..
وماسكة يدي لآ أتمغط..>>الله يخلف..!
ووحدة من صديقاتي تقول أنها ببتأخر كل يوم اثنين عشان يعاقبونها
الحصة الأولى وتضيع حصة من حصص الفيزياء
والأستاذة من جد تكسر الخاطر..
تتكلم وتسأل ولآ أحد معطيها وجه..الناس تطالع فيها بعيون مسكره..
المشكلة حنا واعدينها سنة أولى إننا بنتعدل..وجات سنة ثاني ونفس الحال
وسنة ثالث أردى وأردى..!
المشكلة أني قاعدة قدام عندها شوي وأوصل للسبورة وأنا وين والسبورة وين..! >>>يعني شين وقوي عين..!
أعطونـي حل لهالمشكلة من جد أنا مانيش راضيه عن الوضع
والأستاذة ما تستاهل..
أنتظركم
Exganza يقول:
on مارس 9, 2008 at 6:04 م
كبرياء .. الفيزياء صعبة والمادةالصعبة العقل يرفضها .. والاستسلام للراحه مشكلة : ) لازم تضغطي على نفسك وتحاولي تفهمي وتناقشي ترى الفيزياء لازم لها حركه ونشاط لأنها صعبه وحلوه في نفس الوقت ،،
بعدين انظري للوضع من ناحية المعلمة .. ترى تتعب مو عشان نفسها عشانكم !! بامكانها تسحب الكرسي وتجلس تتفرج عليكم وانتوا نايمين
.. بكره توصلي ثالث ثانوي وتحتاجي تتذكري اي شيء من اللي درستوه ولا راح تقدري وطبعا بتوقعي في مشكلة وكله بينعكس على نسبتك ،،
تفاعلي مع الدرس .. وانتي تسمعي للشرح خلي في يدك قلم والدفتر قدامك .. دوني القوانين والاشياء اللي تقولك عليها الأبله .. عشان مايجيك النعاس ،، حاولي ترسمي لو الدرس فيه رسم “زي درس العدسات مثلا :p ” ارسمي وتخيلي واسمعي للشرح صدقيني تضيع الحصه واستفدتي منها استفاده كامله واتغلبتي على النوم
وفي الأول والأخير الفائدة لك انتي
: ) الله يوفقك
female يقول:
on مارس 11, 2008 at 4:10 م
حضري لدرس ، وإقراه بعد الشرح ، وإلا أقلك ،،
شوفي فوتون ، يمكن تفيدك
كبرياء يقول:
on مارس 11, 2008 at 5:32 م
Exganza..
حيـاك أخوي..
المشكلة عندي مو من ناحية الفهم..بالعكس الحمدلله افهم ولو قومتني جاوبت بشكل صحيح من سنة أولى..
ومو صعوبة المادة..
أنا اللحين سنة ثالث..بس أحس ما تقبلت المنهج حسيته جداً ثقبل علي..
وأحنا أستاذتنا صح تبذل بس أحسها كأنها حافظة وتلقن..
لو رسمت بتصفقني الأستاذة..=D
بس أنا أحاول..
بس صديقاتي..كل شووي ووع الفيزياء وأبي أنام ومادرى وشو..؟
يعني يعطوني رسائل سلبية غصب..
والمشكلة الكبرى أننا كلنا دفرة ماأدرى وشلون تجي ذي..
شاكرة لك تعوانك وتفاعلك..
دمت بود..
كبرياء يقول:
on مارس 11, 2008 at 5:44 م
فيمل..
أحضره صعبه شوي…!!
سلمتِ يا عسل على تواجدك هنا..
دمتِ بود..
coloration يقول:
on مارس 11, 2008 at 7:34 م
ليه كل العالم كذا
كل اللي اعرفهم داخلين علمي وكامل ميوولهم علمي يحبون اغلب المواد ..
ماعدا الفيزيا :S
ودي اساعدك والله ..
بس المشكلة اني مافرق بين الفيزيا والكيميا والاحيا
عن نفسي المادة اللي اكرهها اخذها تحدي ..
يا أنا ياهي .. ونشوف من اللي يفوز ..
>> ما أمشي الا بالعين الحمرا ..
roooooor يقول:
on مارس 12, 2008 at 7:33 م
هلا وغلا…..
كبرياء ياعسل .,,,,,
لازم تحاولين التركيز أكثر بالذات انه الماده علميه…
ومايبيلها نوم ……..
الله يعينكم انشاء الله …ويوفقكم
محمد يقول:
on مارس 13, 2008 at 1:02 ص
تدرين ليش؟!
مو لإن المادة صعبة بس
لإن النظام التعليمي عندنا مغفل جداً..
مناهجنا سخيفة، حشو في حشو في حشو..
ثم؟!
ما فيه فائدة..
لإن الدنيا كلها بتنجح يعني بتنجح
ولا أنا غلطان ؟
شدي حيلك يا خيتي وانتبهي لدراستك وربي يوفقك : )
بسمه يقول:
on مارس 13, 2008 at 11:10 ص
تدرون عاد الماده الي احبها الفيزياء وبدوووون منازع
قال اكيمياء قال
ركزي بس وتلقينها سهله
وكلها تعويض في تعويض
وشيلي من بالك قبل كل شي انك تكرهي الفيزياء
وطمنينيا عليك
rose1990 يقول:
on مارس 14, 2008 at 7:10 ص
انا طلقتها من اولى ثانوي
الله يعينك يارب ويوفقك
جربي التحضير مرة يسهل المادة
موفقة يااااارب
كبرياء يقول:
on مارس 15, 2008 at 7:19 م
مــلونة,,
يا هلآ وغلآ..
شفتِ يعني المشكلـة ماهي مني..
كل العالم كزا..
>>يا شين اللى يدور لنفسه عذر..
شئ حـلو..أنا مثلك أتحـدى نفسي..
وأحـاول وإن شاء الله خير..
سلمتِ..
كبرياء يقول:
on مارس 15, 2008 at 7:20 م
رورو..
يا هلآ وغلآ بالحـلوين..
إن شاء الله..
وربي يقدم الله فيه الخير..
جُزيتِ الجنة..
دمتِ بود..
كبرياء يقول:
on مارس 15, 2008 at 7:28 م
محمـد..
حياك أخوي..
صدقت والله..!
آمين وإياك..
شاكرة لك مرورك..
دمت بود..
كبرياء يقول:
on مارس 15, 2008 at 7:30 م
بسمــة..
ياهلآ والله..!
حرآم عليك..أصلاً فيه مجال مقارنة بينهم عشان تقارنين..
الفيزياء غير والكيمياء غير..
وش جاب الثرى عند الثريا..
سـلمتِ يا عسـل..
شاكرة لكِ تواجدك..
دمتِ بود..
كبرياء يقول:
on مارس 15, 2008 at 7:31 م
روز..
ياهلآ وغلآ..
أجل أرتحتي يا حـلوة..
سلمتِ يالغلآ..
دمتِ بود..
زاحــــفـ الى المجهول ــــه يقول:
on مارس 23, 2008 at 11:53 ص
اممممم لاتعليق ..
ليه تقلبي المواجع يا كبرياء .. اضيفي جنب الفيزياء كمياء ياسلام نطلع متشابهين ..
ثانكس كبرياء على البوست اللي يعور القلب ..
بس ترى عمال نا خذ ذنب الفيزياكس .. حشينا فيه لين ما قلنا بس ..
لفت انتباهي موضوع البوست ..
زاحفه